台式新娘 - 2

妝容方面Model為暗倉底皮膚，額頭較突，要善用陰影位及前陰，屬於大細眼，需運用種植捷毛技巧調整眼晴
髮型方面用了台式馬尾髮型 ,左右2邊亦用了韓式低包技巧

 

 

Mandy's Beauty Corner Price List 價目表.

謝謝大家支持, Mandy's Beauty Corner 將提供最抵價, 優質服務 務求令每一位新娘子擁有一個最難忘的日子***除收費服務外, 將定期提供免費服務優惠, 請密切留意***

 

台式新娘 - 1

 

好開心, 今次真的好有滿足感呀!!!!

 

台式新娘

 妝容方面主要突顯白裡透紅感, 粉底貼而薄, 突出眼部
髮型方面用了紅玫瑰襯托圈圈頭, 空氣感較重, 全真髮, 冇加假髮架

 

 

免費新娘化妝服務

本身已修讀新娘化妝髮型課程, 現為各準新娘提供免費新娘化妝服務(只限首5名新娘)


免費新娘化妝服務詳情如下:-

1.試妝 - 包兩個妝及兩個髮形設計
2.新娘化妝 - 早晚各一次 (早上不早於7:30am)
3.新娘髮型設計 - 早晚各一次
4.新娘專用眼睫毛一對

如須收費有以下情況: -
1.結婚當日如需早於早上7:30或之前到達化妝地點, 顧客需另付的士車資 (實報實銷)
2.離島,港島, 馬灣,東涌等偏遠地區,需加收一程的士費用(任何時間到達)


注意事項:
1.不包括頭飾, 頸鏈, 耳環, 需自備
2.不包括伴娘, 親友化妝
3.所有照相將會放於Blog 及 Facebook fans page 展示


****如有興趣歡迎EMAIL聯絡: mua.mandycyk@gmail.com****

最後一堂之新娘髮型班 - 手卷+偏髮髻

鳴....不知不覺原來我已經上晒堂了....不過我會繼續再讀的, 因為新娘妝這行不斷要Update, 黎緊我會去專修台式的新娘先~~

睇睇最後一堂既作品, 手卷+偏髮髻

ALL created by Mandy C.Y.K

此髮型為2手辮比較簡單, 適合外影或伴娘

 

新娘子大愛的包髻

 

單邊髮型, 適合晚妝裝, 配合大頭飾, 更能突出

韓式低包髻, 外影一流

 



 

***超級優惠*** 化妝服務 - 姊妹化妝 / 宴會化妝 / Graduation / Ball / Party

本人為新娘化妝師, 現提供超優惠價予姊妹化妝 / 宴會化妝
***每位$150*****(上門優惠價)
包優質假眼睫毛

亦可提供試妝, 另收費 **詳情可Email查詢

大家如有興趣, 歡迎私人留言比我, 或者係email去mua.mandycyk@Gmail.com
請註明下列有關資料, 並在主題列明超級優惠化妝服務
日期
時間 (需要完成的時間)
地點
聯絡方法
** 若時間過早或地點偏遠, 需加收的士費(實報實銷)

姊妹化妝 - Jessica

今次化既姊妹佢係自己搵到我架, 真係好啦, 因為新娘係我屋企個區, 所以佢一早黎搵我化妝, 我初時仲幫Jessica諗左好多款姊姊髮型, 不過佢原來唔鐘意, 佢咩都要求好簡單就得, 連眼捷毛都唔要太濃, 哈哈, 但係Jessica本身就已經超有氣質, 我只係同佢遮下D 豆豆, 就已經好光滑啦

髮型方面Jessica 又係想好簡單, 只係同佢電一電, 少少自然的曲就可以了

真係好靚女呀~~

 

私影化妝系列 - 夜影

早前提供左免費化妝比私影既朋友仔, 哈, 估唔到受歡迎呀

而家真係好多妹妹鐘意比人影相, 不過當年我自己都係~~哈哈哈哈

 



E度有2位唔同既Model, 一位有完美雙眼皮, 而另一位算係嚴重單眼皮, 雙眼皮梗係冇難度啦, 不過嚴重單真係好考功夫呢, 而且眼皮好重哦~~但係真係一次好好的練習哦~~~

 

自家練習篇

其實每次上完堂, 我都好多IDEA想自己整架, 所以成日都煩住D朋友比我整~~哈哈

新娘髮型班之好多個頭呀

哎呀~~我真的太懶了...最近連上堂的作品都冇放上來...

先睇睇相XDDD

其實上堂學既好多都係技巧, 所以大家可能覺得點解咁怪, 又多野呀咁, 其實有時D頭係1個可以用在2個頭上架

 

這有2種唔同的, 單邊同2邊, 連個陰都有2種架

新娘髮型班之旋風頭, 法式包髻

今次教既頭係旋風頭同埋法式包髻

老老實實, 睇落好簡單, 但到做真係有點點難度的, 不過比起卷頭, 就叫做容易控制D


包髻可以放唔同飾物同唔同擺法, 好高貴呢

 

 

旋風頭, 不過我未熟手, 好似冬甩, 哈哈

髮型練習

哈哈, 小小Mandy 真係好好玩, 成日比我舞, 因為明天放假, 所以又拎佢出黎整, 剛學完複卷, 我又自創髮型啦, 不過我唔想洗頭, 所以冇噴spary, 有好多毛毛飛晒出來呢~

新娘髮型班

繼新娘化妝班之後, 我又報左新娘髮型班啦, 先係學下基本功先, 暫時教左點落夾啦, 2手辮, 單卷同複卷既頭...

而我, 係老師指導之下, 我SET左人生第一個正常既頭出來啦~~YEAH~~

不過我覺得好難, 手手腳腳都好似打晒KICK咁XDDD

愛與夢同行

夢 – 夢想, 相信每一個人都會有,只在於是一個什麼夢, 對於正常人來說,簡單的夢想可以輕易實現, 但對於弱能人士,原來簡單一個夢想都需要別人的幫助呢

有幸參加保良局所舉行的愛與夢同行, 真的令我獲益良多, 當初帶著一個幫助人的心態去完成任務,我負責帶領學員到迪士尼暢玩, 原來其中3位學員的夢想就是可以到迪士尼玩一天呢, 當天早上,見到出現在我眼前的學員, 真的跟正常人沒大分別呢,只是其中一位學員年紀比較大, 而且行動不便,要撐著拐杖 而當天有一位滿頭白髮的伯伯陪同一起, 初時我還以為是夫婦來,後來才知道他們是父女...

起初我的心態都很興奮, 眼見迪士尼新開發了項目,以為做義工的同時都可以玩埋一份, 原來我真的大錯特錯了,入場的時候, 其中一個學員帶了一罐橙汁,結果給職員沒收了, 那學員一直對我說很浪費呀,都沒有開就給沒收了, 很不開心呢….我真的不知道該說什麼, 唯有安慰她說下次如果要再來的話,記得帶水來就好了哦, 不要再有給人沒有的機會知道嗎,她口說知道, 但一直都說很浪費很浪費,其實我知道在她心裡一定不好受….

對我們來說, 要走十分鐘的路,對學員來說原來要來上一個小時了, 當天我們只能夠玩了其中3個不用排隊的項目, 已經足夠我們累得要死了,而且加上天氣炎熱, 見到伯伯不斷為女兒抹汗,餵水, 當我看到這個景象,我的心真的很酸很痛, 最讓我感到遺憾的是,學員們辛苦地從另一個區趕了一個小時的路到另一區想看的表演, 卻因為已經滿座而不能進場, 我真的覺得好可惜…..這些表演對我來說已經睇到爛, 但他們一次都沒有見過,真的好想好想求工作人員放他們進去….

當我們離開後, 我的心情一直都沒有好過,我想住學員說”很浪費哦….”…想著他們會不會很失望…想著園內的消費這麼高會不會加重他們的負擔…想著老父親幫女兒抹汗, 心裡一直在想當老父離開後女兒點算呢???我的眼淚開始不受控制的流出來了….

這樣的情況, 真的與我當初想像的有天大的分別....

我把所有問題都向社工請教, 原來我真的做錯了, 社工姐姐說:學員是需要社會的接納, 認同他們的能力,但是我們不需要過份同情, 只要當他們是一個平常人就可以,因為大家都是平等的, 而且學員的家庭都是互相支持的…..這番話真的令我鬆了口氣, 對的,大家都是平等的!!!

愛 – 既然大家都是平等了, 那麼我們已經幫學員們完全了夢想,就要教育他們將愛傳開去呢, 未來的日子,我會再陪著他們一起去探訪老人院和露宿者, 希望他們會將這份愛傳揚,因為愛是永不止息

後記: 經過今次,我覺得迪士尼的印象很差很差, 他們沒有優惠能給予殘疾人士/低收入家庭, 就算眼見行動不便都要求排上超過30分鐘的隊, 最多只有恩賜的給予2位優先享用, 迪士尼員工,你真的覺得你的恩賜有用嗎? 而且園內的消息,對於一個正常收入的家庭來說, 一碗普通到極面都賣到差不多100蚊, 正常收入家庭相信都覺得貴吧,梗何況一些沒有/低收入的家庭,你就不能提供優惠給殘障人士嗎???? 真的很失望呢……..

我的第一次出JOB

很幸運Maggie帶我出job呀, 當天好早呢, 5點就要起身, 5點半maggie就會係樓下接埋我, 我地6點就到新娘家啦, maggie就幫新娘子化妝, 我就先幫新娘子夾一夾鬆個頭等maggie可以幫佢set, 之後仲幫新娘媽媽化妝, 其實只係畫咀仔, 因為佢話早上唔想化, 哈哈, 加埋新郎哥都係我化呀~~當然只係遮下咁啦…

是日係早加全晚, 所以早上做完, 我可以先回家休息, 下午先再出動, 全晚跟住maggie真係學到好多野, 見到佢既極速轉妝

可能係我第一次出job, 所以我好開心, 仲同人地感動埋一份, 哈哈

真係超多謝maggie比個機會我, 我真係學到好多野, 我仲問maggie有冇失禮佢, 好彩佢話冇, 哈哈, 下次有機會仲會再帶我去~~Yeah

免費化妝服務 - 私影化妝 / 姊妹化妝 / 宴會化妝 / Graduation / Ball / Party

本人正在進修化妝,係一名新手化妝師, 由於實習機會及經驗是非常重要﹐希望藉著不同既化妝機會可以豐富自己的經驗, 現提供免費化妝服務,例如姊妹妝,宴會化妝等等

大家如有興趣, 歡迎私人留言比我, 或者係email去akit_baby@hotmail.com

請註明下列有關資料, 並在主題列明免費化妝服務
日期時間 (需要完成的時間)
地點
化妝類型 (如私影妝, 姊妹妝, 謝師宴....等等)
聯絡方法

**由於只有本人提供服務, 所以每次只限1-2人**


如有興趣者請先留意以下事項及細則:
** 必須拍下妝前妝後照片, 本人會放於BLOG內作個人作品用途
** 不包假眼睫毛, 可自備/向本人購買, 每對$10
** 若時間過早或地點偏遠, 需加收的士費(實報實銷)

我的美女Model - 化妝篇 (4)

第4位Model就係同事仔Hernie啦, 佢本身係靚女一名, 只係毛孔比較大咁...而且眼又夠大, 只有少少大細眼, 所以只需要調整番一邊既眼等佢地對稱番就ok晒啦

而今堂教色彩學, 基本上係講顏色既混合, 所以化了個誇張既妝, 其實係好少可會用係新娘化妝上面的, 不過如果有人接受到其實我覺得幾型架, 哈哈

面形又係鵝蛋同圓, 不過傾於鵝蛋多, 有少少大細面, 所以主力要另一面打多少少陰影

我的美女Model - 化妝篇 (3)

時間過得實在好快呀, 轉個眼化妝班已經上完晒啦, 而且已經化左4個Models了

Model: Nereus

今次係化晚妝, 不過影相出黎竟然覺得好清咁, 連Nereus都話覺得好薄好清呀, 咁其實係好定唔好呢?? 我自己其實係鐘情於比較清同薄既妝架, 因為太濃好鬼假嘛

一直我地都認為Nereus係單眼皮女生, 但Maggie竟然話佢係內雙眼皮呀!!!原來Nereus有條好好好淺的線, 所以佢定位為內雙了

面形係鵝蛋同圓, 不過傾於鵝蛋多, 有少少大細面, 所以主力要另一面打多少少陰影

我覺得對眼有神左好多呀>3<

白痴化妝練習 + 自創髮型

哈哈, 搵左表姐黎玩化妝, 今次仲白痴到自己試整髮型, 今次係冇miss指導之下整出黎, 效果好白痴....


不過冇miss在場睇實, 壓力冇咁大, 所以可以試多d唔同野, 哈哈

我的美女Model - 化妝篇 (2)

人生第2個Model就係我既宜宜豬啦~~本身宜宜都係美女一名, 皮膚又好, 所以一心諗住化佢冇咩難度, 唯一就係要幫佢修眉, 因為宜宜係完成唔修的人, 當然我又係唔記得係之前影左相, 所以我影左落妝後補番, 宜宜都係圓面形, 而且比例好好, 所以只係落下陰影黎修飾一下, 一心都諗住問題不大啦, 點知....最大的問題出現了........就係畫眉, 修眉唔難, 但係畫眉真係好難呀, 因為對我黎講, 我都唔知咩眉形先叫好睇, 所以只係畫眉已經用左勁多時間了, Maggie話佢都幫唔到, 只係睇多d書 ....鳴,.,,,,,

由於又係唔記得影妝前相, 所以冇得睇未修眉前, 不過我搵到之前影落既XD可以對比下


Maggie要求: 褂妝

 

 

哇哈哈, 我自己搵左張未修眉的做左個對比

我的美女Model - 化妝篇 (1)

我既人生第一次終於都出現左啦, 實在係感激肥tata 做我第一隻白老鼠, 太感動了......

因為我真係生手到好緊要, 所以連妝前都唔記得左影相, 我只記得我手又震, 又怕整痛, 又怕整親, 加埋Maggie老師係隔離睇到實, 我真係超大壓力呀....

先係面形分析, tata屬於圓面, 又帶點鑽石, 而tata有修開眉, 所以我只係同佢修少少什毛, 眼都有點下垂, 我地一直都以為tata係單眼皮, 但原來唔係, Maggie話tata係假雙眼皮, 佢有條線, 只要用假捷毛頂住就可以, 唔需要加膠紙住, tata因為壓力太大, 所以爆晒瘡, 我做遮瑕部分做得勁耐, 因為真係太多同太大範圍啦

下面個面係我已經化到底妝先影底

Maggie要求: 婚紗日妝

 

Red's Beauty 新娘化妝班 (續)

時間過得真係快, 不知不覺我已經上左4堂, 基本工可以叫做已經學晒, 但係要掌握得好呢, 真係覺得要下好多苦工呀


總括黎講, 我學左下面既野, 不過點運用呢, 都真係要多多努力下先

日系婚紗妝, 褂妝, 晚轉, 潮流妝smoky eyes

轉妝技巧, 修眉畫眉, 光暗影, 雙眼皮, 痴捷毛

分析面形, 化妝掃有幾多, 都學左了, 我只想講一句, "真係好難呀"XDDDD


不過我一定會努力加油加油的!!

Red's Beauty 新娘化妝班

哈哈~~我要向自己既事業進發啦!!!雖然咁講係言之尚早, 不過總叫踏出第一步啦

從我一想開化妝開始, 我就冇諗過任何化妝學校, 我只係諗到Maggie, 原因係之前有朋友學過而又搵過我做model, 我覺得個老師教得幾好, 加上朋友而家已經學有所成有自己既事業, 所以梗加激發左我既決心呀


第一堂, 都係學下基本功先, 起碼叫做識左成個化妝既程序, 唔係好似以前自己玩玩下個隻咁了解晒點解點解同點解, 點用點用同點用


我會加油的!!!!